Bíó – rammi – kaffi og kleinur

Hafnarfjarðarhöfn býður Hafnfirðingum og öðrum áhugasömum til bíósýningar í Bæjarbíó á sunnudaginn kemur þann 23. febrúar kl. 13.00 og  aftur kl. 15.00  Sýnd verður rúmlega klukkustundarlöng kvikmynd Halldórs Árna Sveinssonar sem eru fjölbreytt myndskeið frá fjölbreyttri starfsemi á höfninni og hátíðarhöldum Sjómannadagins í Hafnarfirði á liðinum áratugum. 

Jafnframt verður umfjöllun og kynning á nýju rammaskipulagi fyrir Flensborgarhöfn og Óseyrarsvæði sem hafnaryfirvöld og bæjarstjórn hefur nýlega samþykkt.  Undirbúningsvinna að því skipulagi hefur staðið yfir um nokkurrar ára skeið í góðri samvinnu við bæjarbúa og hagsmunaðila á hafnarsvæðinu.

Að lokinni fyrri sýningunni um kl. 14.00 verður boðið uppá kaffi og kleinur í anddyri bíósins þar sem hægt verður að kynna sér nánar tillögur og útfærslur í nýja rammaskipulaginu.

Aðgangur er ókeypis að þessum sýningum og allir velkomnir.